Kondoliza rays amérika kéngesh palatasi tashqi ishlar komitétining maqullishidin ötti

Amérika kéngesh palatasi tashqi ishlar komitéti ikki künlük ispat bérish yighinidin kéyin charshenbe küni bélet tashlap kondoliza raysning amérika tashqi ishlar ministiri bolush namzatliqini qobul qildi.

Kéngesh palatasi tashqi ishlar komitétida élip bérilghan ikki künlük ispat bérish yighi &# xFEE8;i jeryanida, dimokratchi palata ezaliri kondoliza raysni iraq mesiliside küchlük soraqqa tartti.

Emma kondoliza rays iraqqa hujum qilish qararini aqlap, amérikining sadam hakimiyitini aghdurup tashlishining tamamen toghra ikenlikide ching turdi. U yene, amérikining buningdin kéyin xelq'ara jem'iyet bilen di'alogini kücheytip, iraq mesilidiki ittipaqdash döletler bilen bolghan ixtilaplarni yoqutushqa tirishishi kéreklikini eskertti.

Amérikining xitay bilen bolghan munasiwiti heqqide toxtalghan kondoliza rays, özi ministirliqqa saylan'ghandin kéyin, amérika-xitay hemkarliq munasiwetlirini dawamlashturush bilen birge, déplomatik yollar bilen amérikining tashqi sodisini righbetlendürüp, amérika bilen xitay otturisidiki soda tengpungsizliqini tengsheshke tirishidighanliqini bildürdi.

Eger 50 yashliq kondoliza rays peyshenbe küni amérika kéngesh palatasining pütünley maqullishigha érishse, u amérika tarixidiki tunji qara tenlik tashqi ishlar ministiri bolup hésablinidu. (Peride )