Кондолиза райс явропани иран мәсилисидә қаттиқрақ болушқа чақирди


2005-02-09
Share

явропада зиярәттә боливатқан америкиниң йеңидин тәйинләнгән ташқи ишлар министири кондолиза райс чаршәнбә күни, явропани иран мәсилисидә қаттиқрақ болушқа чақирди.

Ройтерс агентлиқиниң хәвиригә қариғанда, райс бу сөзлирини шималий атлантик әһди тәшкилатиға әза дөләтләрниң ташқи ишлар министирлири билән көрүшүштин бурун қилған болуп, у сөзидә йәнә, иран һөкүмитиниң чоқум ядро тәкшүрүши елип беришқа йол қоюши керәкликини, болмиса америкиниң буни бирләшкән дөләтләр тәшкилатиниң бихәтәрлик кеңишигә сунидиғанлиқини агаһландурди.

Райс йәнә иранниң, явропадики 3 дөләтниң ипадисидин пайдилинип, ядро тәкшүрүшини кечиктүрүшигә қәтий болмайдиғанлиқини әскәртиш билән биргә, явропаниң иранға қаттиқрақ муамилә қилишини тәләп қилди. Бу явропа дөләтлири асаслиқи франсийә, германийә вә әнглийәни көрситиду.

Америка һөкүмити изчил иранни, ядро қоралларни йошурун тәрәққий қилдуриватиду дәп әйипләп кәлгән болуп, нөвәттә америка билән явропа дөләтлири оттурисида иран мәсилисидин сирт йәнә, хитайға берилгән қорал чәклимисини бикар қилиш мәсилисидиму ихтилаплар көрүлмәктә. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт