Kondoliza rays yawropani iran mesiliside qattiqraq bolushqa chaqirdi


2005-02-09
Share

Yawropada ziyarette boliwatqan amérikining yéngidin teyinlen'gen tashqi ishlar ministiri kondoliza rays charshenbe küni, yawropani iran mesiliside qattiqraq bolushqa chaqirdi.

Roytérs agéntliqining xewirige qarighanda, rays bu sözlirini shimaliy atlantik ehdi teshkilatigha eza döletlerning tashqi ishlar ministirliri bilen körüshüshtin burun qilghan bolup, u sözide yene, iran hökümitining choqum yadro tekshürüshi élip bérishqa yol qoyushi kéreklikini, bolmisa amérikining buni birleshken döletler teshkilatining bixeterlik kéngishige sunidighanliqini agahlandurdi.

Rays yene iranning, yawropadiki 3 döletning ipadisidin paydilinip, yadro tekshürüshini kéchiktürüshige qet'iy bolmaydighanliqini eskertish bilen birge, yawropaning iran'gha qattiqraq mu'amile qilishini telep qildi. Bu yawropa döletliri asasliqi fransiye, gérmaniye we en'gliyeni körsitidu.

Amérika hökümiti izchil iranni, yadro qorallarni yoshurun tereqqiy qilduriwatidu dep eyiplep kelgen bolup, nöwette amérika bilen yawropa döletliri otturisida iran mesilisidin sirt yene, xitaygha bérilgen qoral cheklimisini bikar qilish mesilisidimu ixtilaplar körülmekte. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet