Кондолиза райис һиндистанни зиярәт қилди


2005.03.16

Америка ташқи ишлар министири кондолиза райс чаршәнбә күни йеңи деһлида һиндистан әмәлдарлири билән районлуқ мудапиә вә кәшмир мәсилилиридә сөһбәтләшти. Һиндистан, райсниң асия сәпириниң биринчи бекити болуп һесаблиниду.

Кондолиза райс һиндистан ташқи ишлар министири манмохан сенг билән көрүшкәндә, һиндистан-пакистан икки дөләтниң тинчлиқни илгири сүрүш йолида көрсәткән тиришчанлиқлирини тәриплиди. Шундақла у йәнә, америка һөкүмитиниң җәнубий асиядики тинчлиқ дипломатийисини пүтүн күчи билән қоллайдиғанлиқини билдүрди.

Әмма кондолиза райс манмохан сенг билән өткүзгән сөһбитидә, һиндистанниң иран билән болған газ туруба программисиға қарши туридиғанлиқини билдүрди. Америка һөкүмити илгири иранниң ядро қоралларни йошурун тәрәққий қилдуриватқанлиқини көрситип, иран билән болған сода алақини пүтүнләй үзгән иди. Шундақла америка йәнә башқа дөләтләрниңму иран билән содилашмаслиқини тәкитләп кәлди.

Манмохан сенг мәзкур газ туруба программисини қоллайдиғанлиқини билдүрүш билән тәң, иран һөкүмитиниң хәлқаралиқ ядро қоралларни чәкләш шәртнамисиға риайә қилишини үмид қилидиғанлиқини билдүрди.

Кондолиза райсниң асия сәпири 8 күн давам қилидиған болуп, у һиндистандин сирт йәнә, пакистан, афғанистан, японийә, җәнубий корийә вә хитайни зиярәт қилмақчи. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.