Kondiliza rayis, béyjingni dalay lama bilen söhbetlishishke chaqirdi
2005.03.22
Amérika tashqi ishlar ministiri kondiliza rayis, xitay hökümitini tibetning diniy we meniwi dahiysi dalay lama bilen söhbetlishishke chaqirdi.
Kondiliza rayis yéqinda xitayda élip barghan ziyariti dawamida, béyjingning diniy erkinlikni qobul qilishini teshebbus qilghan. U xitay hökümitining diniy jem'iyetler hemde dalay lama wekilliri bilen munasiwetni yaxshilishini shuningdek tibet xelqige erkinlik asasida öz medeniyitini qoghdash imtiyazi bérishini telep qilghan.
Xitay hökümiti tibet we Uyghurlarning diniy erkinlikini basturupla qalmastin, bashqa diniy mezheplerning erkinlikinimu kontorol qilip kelmekte. Kishilik hoquq teshkilatliri izchil türde xitayni diniy erkinlikni basturush qilmishliri bilen eyiblep kelmekte.
Amérika terepmu, xitay hökümitining diniy erkinlikni kishilerge nisbeten tehdit ornida qollanmay, dinni "jem'iyet , muqimliqni saqlash we méhri- muhebbet yaritish jehetlerde ijabiy rol oynaydighan küch " dep hésaplishini ümid qilidighanliqini bildürdi. (Eqide)