Kondiliza rayis moskwadiki sepiride rusiye démokratiyisini sözlishidu


2005-04-19
Share

Amérika tashqi ishlar ministiri kondiliza rayis, rusiyidiki ziyaret sepiride moskwa da'irilirige krimilin sariyining hoquqni merkezleshtürüsh shundaqla metbu'at erkinlikini qisish herikiti amérikini bi'aram qiliwatqanliqini yetküzidiken.

Rayisning rusiyidiki ziyariti seyshenbe küni bashlandi. U, moskwa sepirige atlinish aldida rusiyidiki islahatni dawamlashturushning muhimqilini tekitlidi shundaqla " güllen'gen we démokratik rusiye hemmimizning menpe'etige uyghun," dep körsetti.

Prézidént bush 2004 - yili 11 - ayda rusiye prézidénti wladimir putin bilen uchrashqanda, krimilin sariyining hoquqni merkeshleshtürüsh tedbirliridin bi'aram boliwatqanliqini bildürgen. U, prézidént putinning hoquqni merkezleshtürüsh yolidiki tedbirlirige éniqlima bérishini telep qilghan idi.

En'giliye axbarat tori b b s ning ilgiri sürüshiche, rayis moskwada rusiyilik da'iriler bilen sürkilish yüz bérishini xalimaydiken. Amérika, rusiyining qirghinchiliq xaraktirlik qorallarni kontrol qilish shundaqla shimali koriye bilen iranni yadro qorallar pilanidin waz kéchishke qayil qilishni ümid qilidu.

B b s ning tekilishiche, amérika rusiyini yenila térorchiliqqa qarshi turush kürishidiki ittipaqdishi, dep hésablaydiken. Rayisning bu qétimqi moskwa sepiri, prézidént bushning kélerki ayda moskwagha qilidighan ziyariti üchün yol hazirlash bolup, amérika prézidéntining ziyariti rusiyining 2 - urushida ghelibe qilghanliqining 60 yilliqini xatirilesh künlirige toghra kélidu. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet