Райис, блурусийидики өктичиләрниң вәкиллири билән учрашти


2005.04.22

Алдинқи күни литвада ш а о ә т ниң ташқи ишлар министирлар йиғиниға қатнашқан америка ташқи ишлар министири кондилиза райис, блурусийини явропаниң мәркизидики ахирқи диктатурдөләт дәп көрсәтти. Блурусийиликләрни демократик өзгириш елип беришқа чақирған райис, " блурусийидә өзгириш елип бериш вақти кәлди," дәп тәкитлигән.

Райис литвада блурусийилик өктичиләрниң вәкиллирини қобул қилди. Райисниң блурусийидә үзгириш елип бериш чақириқи, русийә билән блурусийиниң наразилиқиға учриди. Русийә ташқи ишлар министири сергей лавров, блурусийидә өзгириш елип беришқа қарши туридиғанлиқини әскәртип, ислаһат ташқиридин теңилмаслиқи керәк, дәп көрсәтти.

Блурисийиниң муавин ташқи ишлар министири виктор гайсунак, блурусийә хәлқиниң өз һөкүмитини вә кәлгусини өзи таллайдиғанлиқини тәкитлигән. У буни " райисниң үстидики вәзипә әмәс," дәп тәнқидлигән. Блурусийә явропадики әң ахирқи шундақла сабиқ совет иттипақидики әң диктатур дөләтләрниң бири. 2004 Вә 2005 - йилниң башлиридики грузийә, украинийә вә қирғизистандики демократик өзгиришләрдин кейин, һакимийәт алмишиш нөвитиниң қайси дөләткә кәлгәнлики кишиләр әң қизиқидиған темиларниң бири болуп қалди.

Райис литваға беришниң алдида русийини зиярәт қилип, русийә президенти владимир путин билән демократийә мәсилисини музакирә қилған. У, москвада кримилинниң һоқуқни мәркәзгә мәркәзләштүрүш пилани шундақла русийә мәтбуатлирини тезгинләш тиришчанлиқидин биарам боливатқанлиқини оттуриға қойди. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.