Rayis, blurusiyidiki öktichilerning wekilliri bilen uchrashti


2005.04.22
Share on WhatsApp
Share on WhatsApp

Aldinqi küni litwada sh a o e t ning tashqi ishlar ministirlar yighinigha qatnashqan amérika tashqi ishlar ministiri kondiliza rayis, blurusiyini yawropaning merkizidiki axirqi diktaturdölet dep körsetti. Blurusiyiliklerni démokratik özgirish élip bérishqa chaqirghan rayis, " blurusiyide özgirish élip bérish waqti keldi," dep tekitligen.

Rayis litwada blurusiyilik öktichilerning wekillirini qobul qildi. Rayisning blurusiyide üzgirish élip bérish chaqiriqi, rusiye bilen blurusiyining naraziliqigha uchridi. Rusiye tashqi ishlar ministiri sérgéy lawrow, blurusiyide özgirish élip bérishqa qarshi turidighanliqini eskertip, islahat tashqiridin téngilmasliqi kérek, dep körsetti.

Blurisiyining mu'awin tashqi ishlar ministiri wiktor gaysunak, blurusiye xelqining öz hökümitini we kelgusini özi tallaydighanliqini tekitligen. U buni " rayisning üstidiki wezipe emes," dep tenqidligen. Blurusiye yawropadiki eng axirqi shundaqla sabiq sowét ittipaqidiki eng diktatur döletlerning biri. 2004 We 2005 - yilning bashliridiki gruziye, ukra'iniye we qirghizistandiki démokratik özgirishlerdin kéyin, hakimiyet almishish nöwitining qaysi döletke kelgenliki kishiler eng qiziqidighan témilarning biri bolup qaldi.

Rayis litwagha bérishning aldida rusiyini ziyaret qilip, rusiye prézidénti wladimir putin bilen démokratiye mesilisini muzakire qilghan. U, moskwada krimilinning hoquqni merkezge merkezleshtürüsh pilani shundaqla rusiye metbu'atlirini tézginlesh tirishchanliqidin bi'aram boliwatqanliqini otturigha qoydi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet