Kondiliza rayis, amérika shimaliy koriyige qarshi "üstünlükke" ige, dep körsetti

Amérika tashqi ishlar ministiri kondiliza rayis, amérika shimaliy koriyining yadro qorallar tehditige qarshi " üstünlükke" igilikini bildürdi . Buning aldida amérika prézidénti ishxanisi- aq saray, shimali koriyining hepte axiri élip barghan bashqurulidighan bomba siniqini " küshkürtüsh" xaraktérge ige heriket, dep eyibligen.

Rayis, washin'gtonda fransiye tashqi ishlar ministiri barniyér bilen ötküzgen söhbitidin kéyin muxbirlarni kütüwélip, " amérika küch jehettiki üstünlükke ige, men üstünlükni tekitlimekchi, asiya - tinch okyan rayonidiki her qandaq xirisni bir terep qilish iqtidarigha ige," dep körsetti.

Shimali koriye yekshenbe küni qisqa musapiliq baghqurulidighan bomba siniqi élip barghan idi. Aq sarayning bayanatchisi mklilan, bashqurulidighan bomba siniqini " shimaliy koriye teripidin élip bérilghan küshkürtüsh herikitining dawami," dep tenqidligen.

Fransiye axbarat agéntliqining tekitlishiche rayisning sözi, amérikining shimali koriye mesilisidiki sewr - taqiti téshiwatqanliqini körsitidiken. Shimali koriyining bashqurulidighan bomba siniqi, nyu - yorktiki yadro qorallarni cheklesh shertnamisi yighini bashlinishning bir kün aldida élip bérildi. Rayis shu küni yaponiye tashqi ishlar ministiri machimuru bilen koriye yadro qorallar krizisini muzakire qilghan shundaqla her ikkila terep xitay shimaliy koriye yadro qorallar mesiliside téximu aktip rol oynishi kérek, dep qarighan.(Erkin)