Райис, шәрқий асия әллиридики зияритини башлиди

Америка ташқи ишлар министири кондилиза райис, җүмә күни чүштин кейин хитай, тайланд, җәнуби корийә вә японийиләрни зиярәт қилиш үчүн вашингтондин айрилди. У, шәнбә күни бейҗиңға йетип бариду. Кондилиза райисниң зиярәт күнтәртипидики әң муһим тема, шималий корийә ядро қораллар мәсилисидур.

Бирләшмә ахбарат агентлиқиниң хәвәр қилишичә, америка даирилири йеқиндин бери хитайлар шималий корийини ядро қораллар сөһбитигә қайтуруп келиш мәсилисидә йитәрлик күч чиқармиди, дәп әйипләшкә башлиған.

Кондилиза райис бейҗиңға йетип бериш алдида хитай һөкүмити җүмә күни баянат елан қилип, дөләт комисари таң җяшүәнниң алаһидә әлчилик салаһийити билән келәр һәптә пйоңяңни зиярәт қилидиғанлиқини җакарлиди.

Көзәткүчиләр, америкиниң шимали корийә мәсилисидики сәвр- тақити тешиватқанлиқини билдүрмәктә.

Бейҗиң кондилиза райисниң шәрқий асия зияритиниң тунҗи бекити. У бейҗиңдин кейин тайландни зиярәт қилиду. Буш һөкүмити, шималий корийә мәсилисини б д т хәвпсизлик кеңишиниң күнтәртипигә қоюшни музакирә қилған. Әмма хитай һөкүмити, бу мәсилиниң хәвпсизлик кеңишидә музакирә қилинишини халимайдикән. (Әркин)