Rayis, sherqiy asiya elliridiki ziyaritini bashlidi

Amérika tashqi ishlar ministiri kondiliza rayis, jüme küni chüshtin kéyin xitay, tayland, jenubi koriye we yaponiyilerni ziyaret qilish üchün washin'gtondin ayrildi. U, shenbe küni béyjinggha yétip baridu. Kondiliza rayisning ziyaret küntertipidiki eng muhim téma, shimaliy koriye yadro qorallar mesilisidur.

Birleshme axbarat agéntliqining xewer qilishiche, amérika da'iriliri yéqindin béri xitaylar shimaliy koriyini yadro qorallar söhbitige qayturup kélish mesiliside yiterlik küch chiqarmidi, dep eyipleshke bashlighan.

Kondiliza rayis béyjinggha yétip bérish aldida xitay hökümiti jüme küni bayanat élan qilip, dölet komisari tang jyashü'enning alahide elchilik salahiyiti bilen kéler hepte pyongyangni ziyaret qilidighanliqini jakarlidi.

Közetküchiler, amérikining shimali koriye mesilisidiki sewr- taqiti téshiwatqanliqini bildürmekte.

Béyjing kondiliza rayisning sherqiy asiya ziyaritining tunji békiti. U béyjingdin kéyin taylandni ziyaret qilidu. Bush hökümiti, shimaliy koriye mesilisini b d t xewpsizlik kéngishining küntertipige qoyushni muzakire qilghan. Emma xitay hökümiti, bu mesilining xewpsizlik kéngishide muzakire qilinishini xalimaydiken. (Erkin)