Kondiliza rayis ottura sherqni ziyaret qildi
2005.07.22
Amérika tashqi ishlar ministiri kondiliza rayis jüme küni liwanni tuyuqsiz ziyaret qilip, liwanning qurulghinigha emdila 3 kün bolghan yéngi hökümetni righbetlendürdi. Rayis, shu küni liwan prézidénti lahud we sabiq liwan bash ministiri haririning oghli sa'ad haririlar bilen söhbet élip barghan.
Liwan prézidénti lahud süriyeperesliki bilen tonulghan. Emma süriyige öktichiliki bilen tonulghan sa'ad haririning dadisi, süriye axbarat organliri teripidin öltürüldi, dep qaralmaqta idi. Süriye ikki ay ilgiri amérika we xelq'ara jem'iyetning bésimi astida liwandiki qoshunlirini chékindürgen.
Kondiliza rayis, süriye bu yil 4 - ayda qoshun chékindürüp, liwandiki 29 yilliq ishghaliyitini axirlashturghandin kéyin, liwanni ziyaret qilghan tunji yuqiri derijilik amérika emeldari.
Rayis liwan'gha yétip barghandin kéyin muxbirlargha "xelq'ara jem'iyet we bolupmu amérikining liwan'gha qandaq yardem béreleydighanliqini igilesh ümidi bilen keldim," dep tekitligen.
Rayis liwan'gha kélishtin ilgiri isra'iliyini ziyaret qilip, isra'iliye bash ministiri sharon bilen gazadiki yehudiy mehellilirini köchürüsh mesilisini muzakire qildi. U shenbe küni i'ordan deryasining gherbiy qirghizidiki ramallada, pelestin rehbiri maxmud abbas bilen söhbet élip baridu. (Erkin)
Munasiwetlik maqalilar
- Kondaliza rayis, sh h t ning amérika herbiy qisimlirini chékindürüsh toghrisidiki teleplerni ret qildi
- Rayis, sherqiy asiya elliridiki ziyaritini bashlidi
- Amérika tashqi ishlar ministiri rayis pat yéqinda xitayni ziyaret qilidu
- Rayis, amérikining xitay bilen bolghan munasiwitide "murekkep amillar" ning barliqini bildürdi
- Kondiliza rayis, amérika shimaliy koriyige qarshi "üstünlükke" ige, dep körsetti