Кондолиза райс сәудий әрәбистанни зиярәт қилди


2005-11-13
Share

Америка ташқи ишлар министири кондолиза райс йәкшәнбә күни сәудий әрәбистанға йетип келип, бу йәрдики һөкүмәт әмәлдарлири билән бу икки иттипақдаш дөләтниң узун йиллиқ мунасивитини яхшилаш һәққидә сөһбәтләшти.

Райс бу қетим сәудий әрәбистанниң ташқи ишлар министири шаһзадә сауд әл фәйзал билән икки дөләт оттурисидики тунҗи қетимлиқ юқири дәриҗилик истратегийилик сөһбәт елип барди. Улар йәнә ирақ мәсилиси, енергийә, бихәтәрлик вә сәудий әрәбистанниң кишилик һоқуқ хатириси қатарлиқ темилардиму тохтилидикән.

Сәудий әрәбистанниң кишилик һоқуқ әһвали, америка ташқи ишлар министирлиқиниң йеқинда чиқарған кишилик һоқуқ доклатида йәнә бир қетим тәнқидкә учриған иди. Шундақла президент буш бу йилниң бешида, сәудий әрәбистан падишаһи абдулла бин абдул әзиз билән икки дөләт мунасивитини илгири сүрүш үчүн, стратегийилик сөһбәт елип беришкә келишкән.

Америка билән сәудий әрәбистанниң мунасивити, 2001 - йилидики 11 - сентәбир вәқәсидин кейин йириклишип қалған иди. Чүнки бу вәқәни садир қилған 19 кишиниң 15и сәудий әрәбистанлиқ болуп чиққан.

Кондолиза райс йәкшәнбә күни кәчтә сәудий әрәбистан падишаһи абдулла билән сөһбәт өткүзүп болғандин кейин, андин у ерусалимға берип, исраилийә вә пәләстин әмәлдарлири билән көрүшмәкчи. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт