Kondoliza rays se'udiy erebistanni ziyaret qildi


2005-11-13
Share

Amérika tashqi ishlar ministiri kondoliza rays yekshenbe küni se'udiy erebistan'gha yétip kélip, bu yerdiki hökümet emeldarliri bilen bu ikki ittipaqdash döletning uzun yilliq munasiwitini yaxshilash heqqide söhbetleshti.

Rays bu qétim se'udiy erebistanning tashqi ishlar ministiri shahzade sa'ud el feyzal bilen ikki dölet otturisidiki tunji qétimliq yuqiri derijilik istratégiyilik söhbet élip bardi. Ular yene iraq mesilisi, énérgiye, bixeterlik we se'udiy erebistanning kishilik hoquq xatirisi qatarliq témilardimu toxtilidiken.

Se'udiy erebistanning kishilik hoquq ehwali, amérika tashqi ishlar ministirliqining yéqinda chiqarghan kishilik hoquq doklatida yene bir qétim tenqidke uchrighan idi. Shundaqla prézidént bush bu yilning béshida, se'udiy erebistan padishahi abdulla bin abdul eziz bilen ikki dölet munasiwitini ilgiri sürüsh üchün, stratégiyilik söhbet élip bérishke kélishken.

Amérika bilen se'udiy erebistanning munasiwiti, 2001 - yilidiki 11 - séntebir weqesidin kéyin yirikliship qalghan idi. Chünki bu weqeni sadir qilghan 19 kishining 15i se'udiy erebistanliq bolup chiqqan.

Kondoliza rays yekshenbe küni kechte se'udiy erebistan padishahi abdulla bilen söhbet ötküzüp bolghandin kéyin, andin u érusalimgha bérip, isra'iliye we pelestin emeldarliri bilen körüshmekchi. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet