Райис: америка тән җазасини қобул қилған әмәс


2005-12-06
Share

Америка ташқи ишлар министири кондилиза райис, сәйшәнбә күни берлинда германийә баш министири ангела маркил билән мухбирларни күтүвелиш йиғини өткүзүп, америка мәркизи ахбарат идарисиниң чәтәлдә мәхпий түрмә қурған вә гуманлиқ террорчиларни германийә арқилиқ ялап маңғанлиқи һәққидики талаш тартишни юмшитишқа тиришти.

Ангела маркил, муһими ғәрб әллири террорчилиққа зәрбә бериштә мувапиқ усулларни қолланди, деди. У, америка билән германийә ахбарат органлириниң террорчилиққа давамлиқ бирликтә зәрбә беридиғанлиқини тәкитлигән болсиму, әмма " ахбарат хизмити чоқум хәлқара қанунлар рамкиси ичидә елип берилиши керәк" дәйду.

Кондилиз райис, президент бушниң америка әмәлдарлири чоқум америка қанунлириниң рамкиси ичидә һәрикәт қилиш керәк, дегән сөзини әслитип, "америка тән җазаси елип барған яки тән җазасини қобул қилған әмәс" деди.

Германийә герхард шрөдер дәвридә америкиниң ирақ һәрикитигә қарши турған. Ангела маркил һөкүмити вашингтондин америка айрупиланлириниң гүманлиқ унсурларни германийә арқилиқ ялап маңғанлиқиға чүшәнчә беришни үмид қилған иди.

Райис, дүшәнбә күни явропаға қарап йолға чиқиш алдида буш һөкүмити мәркизи ахбарат идарисиниң гуманлиқ террорчиларни азаблишиға көз юмғанлиқини инкар қилди. У, америкиниң явропада мәхпий түрмиси бар - йоқлиқиға җаваб беришни рәт қилған. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт