Rayis: amérika ten jazasini qobul qilghan emes


2005-12-06
Share

Amérika tashqi ishlar ministiri kondiliza rayis, seyshenbe küni bérlinda gérmaniye bash ministiri an'géla markil bilen muxbirlarni kütüwélish yighini ötküzüp, amérika merkizi axbarat idarisining chet'elde mexpiy türme qurghan we gumanliq térrorchilarni gérmaniye arqiliq yalap mangghanliqi heqqidiki talash tartishni yumshitishqa tirishti.

An'géla markil, muhimi gherb elliri térrorchiliqqa zerbe bérishte muwapiq usullarni qollandi, dédi. U, amérika bilen gérmaniye axbarat organlirining térrorchiliqqa dawamliq birlikte zerbe béridighanliqini tekitligen bolsimu, emma " axbarat xizmiti choqum xelq'ara qanunlar ramkisi ichide élip bérilishi kérek" deydu.

Kondiliz rayis, prézidént bushning amérika emeldarliri choqum amérika qanunlirining ramkisi ichide heriket qilish kérek, dégen sözini eslitip, "amérika ten jazasi élip barghan yaki ten jazasini qobul qilghan emes" dédi.

Gérmaniye gérxard shrödér dewride amérikining iraq herikitige qarshi turghan. An'géla markil hökümiti washin'gtondin amérika ayrupilanlirining gümanliq unsurlarni gérmaniye arqiliq yalap mangghanliqigha chüshenche bérishni ümid qilghan idi.

Rayis, düshenbe küni yawropagha qarap yolgha chiqish aldida bush hökümiti merkizi axbarat idarisining gumanliq térrorchilarni azablishigha köz yumghanliqini inkar qildi. U, amérikining yawropada mexpiy türmisi bar - yoqliqigha jawab bérishni ret qilghan. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet