Amérika tashqi ishlar ministiri, xitayning herbiy xamchotini köpeytkenlikini tenqid qildi

Awstraliyiniziyaret qiliwatqan amérika tashqi ishlar ministiri kondaliza rayis xitay hökümiti herbiy küchini ashurush mesiliside téximu ochuq bolushi kérek hemde xelq'ara iqtisadiy qa'ide- qanunlargha asasen heriket qilishi kérek, dédi.

Rayis sidnéyde awstraliye tashqi ishlar ministiri alksander downer bilen uchrashqandin kéyin bergen bayanatida, men xitay hökümitining herbiy xamchotini 14% küpeytkenlikini anglidim. Bu nahayiti köp bir san. Xitay hökümiti meqsitining néme ikenlikini ochuq ipadilishi kérek, dédi.

Xitay xelq qurultiyi ötken jüme küni, xitay hökümitining yilliq herbiy xamchotini 7.14 Pirsent köpeytish qararini qobul qilghan idi. Béyjing hökümiti bu pulni ofitsérlarning ma'ashlirini bérish , yéngi üsküniler élish üchün ishlitilidighanliqini hemde pulning bir qismini bahasi künséri örlewatqan énérgiye éhtiyajini qamdash üchün ishlitidighanliqini bildürmekte.

Amérika tashqi ishlar ministiri rays awstraliyide, awstraliye we yaponiye tashqi ishlar ministirliri bilen uchriship, xitayning künséri küchiyiwatqan siyasiy, herbiy we iqtisadiy tesiri heqqide söhbetleshmekchi.

Amérika mudapi'e ministirliqining aliy derijilik bir xadimining bildürüshiche, xitayning herbiy küchini köpeytkenliki, amérikini teywen boghuzidiki herbiy stratégiyisini qaytidin közdin köchürüshke mejbur qilmaqta. (Qanat)