Райис бейҗиңда кишилик һоқуқ мәсилисини оттуриға қойди


2006.10.20
Share on WhatsApp
Share on WhatsApp

Америка ташқи ишлар министири кондилза райис бейҗиңда кишилик һоқуқ мәсилисини оттуриға қойди. Лекин хитай ташқи ишлар министири ли җавшиң америкиниң өзидә кишилик һоқуқ мәсилиси мәвҗут, дәп җаваб бәргән.

Кондилиза райисниң җүмә күни ли җавшиң билән биргә өткүзгән мухбирларни күтүвелиш йиғинида әскәртишичә,у хитай рәһбәрлири билән шималий корийә ядро мәсилисини музакирә қилғандин сирт, хитай кишилик һоқуқ хатириси вә кишилик һоқуққа мунасивәтлик бәзи шәхси делолар үстидә тохталған. Һәр иккила тәрәп бу шәхси делоларниң кимләр билән мунасивәтлик икәнликини тилға алмиди.

Лекин ройтерс ахбарат агентлиқиниң илгири сүрүшичә, райис, ню - йорк вақти гезитиниң бейҗиңда турушлуқ тәтқиқатчиси җав йән вә хитай демократийә паалийәтчиси яң җйәнлиларниң мәсилисини оттуриға қойған болуши мумкин. Нөвәттә бу кишиләр хитай түрмисидә ятмақта.

Уйғур кишилик һоқуқи һәрикитиниң рәһбири рабийә қадирниң түрмидики пәрзәнтлири америка һөкүмитиниң тизимликидики муһим делолар һесаблансиму, лекин уларниң мәсилиси бу қетим оттуриға қоюлған яки қоюлмиғанлиқи һазирчә мәлум әмәс.

Райис, америка билән хитайниң бу мәсилиләрни кәлгүсидә давамлиқ музакирә қилидиғанлиқини билдүрди. Ли җавшиңниң әскәртишичә, уму райисқа 2 нәпәр хитай пуқрасиниң америкидики кишилик һоқуқ мәсилисигә даир тизимликини тапшурған. У, хитайниң америка билән кишилик һоқуқ сөһбити елип беришқа тәйяр икәнликини билдүрди. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.