Kondiliza rayis iraqni ziyaret qildi


2005-11-11
Share

Amérika tashqiy ishlar ministiri kondiliza rayis, jüme küni iraqni tuyuqsiz ziyaret qildi. Rayisning eskertishiche, u ziyaret jeryanida iraqliqlarni diniy we milliy chek chigridin halqighan hökümet qurushqa ündeydiken.

Rayis, ziyaritini shu küni iraqning mosul shehiridin bashlap, bu yerdiki amérikilik diplomatlar, herbiy emeldarlar we yerlik da'iriler bilen söhbet élip bardi. Rayis, seper üstide muxbirlargha bu yil 12 ayda ötküzülidighan iraq saylimida amérikining iraqtiki héchqandaq bir siyasiy partiye - guruh we yaki shexske yan basmaydighanliqini bildürgen. Emma u, amérika iraqtiki barliq siyasiy partiye - guruhlar we namzatlarni siyasiy we diniy chek - chigridin halqighan bir pütün iraq qurushqa chaqiridu, dédi.

Rayisning eskertishiche, bu dölet shi'eler, sün'iyler, kürdlarni asas qilghan üch chong guruh we bashqa az sanliq milletlerni hakimiyetke qatnashturghandila ularning hoquqigha kapaletlik qilghili bolidiken.

Mosul, iraqning sün'iy musulmanlar köp sanliqni igileydighan 2 - chong shehiri shundaqla kürd nopusi bir qeder köp olturaqlash iraq sheherlirining biri. Mosul yéqinqi waqitlarghiche iraq tirkishish herikitining böshüki, dep qarilatti. Amérika emeldarlirining chüshendürüshiche, yéqinqi bir qanche aydin béri tirkishish küchlirining bu yerdiki herikiti éghir zerbige uchrighan.

Rayisning iraq ziyariti bixeterlik sewebliridin aldin'ala élan qilinmidi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet