ئامېرىكا جەنۇبىي كورىيىنىڭ پيوڭياڭنى ئېلېكتىر بىلەن تەمىنلەش پىلانىنى قارشى ئالدى
2005.07.13
ئامېرىكا تاشقى ئىشلار مىنىستىرى كوندىلىزا رايىس جەنۇبىي كورىيىنىڭ شىمالىي كورىيىنى ھەقسىز ئېلېكتىر بىلەن تەمىنلەش پىلانىنى قارشى ئالدى. ئەمما رايىس پيوڭياڭنى ئاگاھلاندۇرۇپ، شىمالىي كورىيە يادرو قوراللار پىلانىدىن پۈتۈنلەي ۋاز كېچىشى كېرەك، دەپ تەكىتلىگەن. شىمالىي كورىيە يېقىندا بۇ ئاينىڭ ئاخىرلىرىغىچە يادرو قوراللار سۆھبەت ئۈستىلىگە قايتىپ كېلىدىغانلىقىنى جاكارلىغان ئىدى.
كوندىلىزا رايىس، چارشەنبە كۈنى سىيولدا مۇخبىرلارنى كۈتۈۋېلىپ، شىمالىي كورىيە ئېلېكتىر ئېنېرگىيىسىگە ئېھتىياج، ئەمما ئۇ يادرو قوراللار پىلانىدىن ۋاز كېچىشى كېرەك، دەپ كۆرسەتتى.
رايىسنىڭ تەكىتلىشىچە، ئامېرىكا شىمالى كورىيىنى سۆھبەت ئۈستىلىگە قايتۇرۇپ كېلىش ئۈچۈن شىمالىي كورىيىگە نەپ بەرمىگەن. ئۇ، ئامېرىكىنىڭ مەيدانىدا ئۆزگىرىش بولمىغانلىقىنى بىلدۈردى.
بۇ ئارىدا چارشەنبە كۈنى خىتاي دۆلەت كومىسارى تاڭ جياشۈئەن پيوڭياڭنى زىيارەت قىلىپ، شىمالىي كورىيە رەھبىرى كىم جۇڭئىل بىلەن سۆھبەت ئېلىپ باردى.
شىنخۇئا ئاخبارات ئاگېنتلىقىنىڭ خەۋەر قىلىشىچە، كىم جۇڭئىل، شىمالىي كورىيىنىڭ مەقسىدى كورىيە يېرىم ئارىلىنى يادروسىزلاشتۇرۇش، دەپ تەكىتلىگەن. تەرەپلەر شىمالىي كورىيە يادرو قوراللار مەسىلىسى بويىچە 6 دۆلەت سۆھبىتىنىڭ 25 - ئىيۇلدا باشلىنىشىنى ئۈمىد قىلماقتا. سۆھبەت ھازىرغا قەدەر خىتاي ھۆكۈمىتىنىڭ ساھىپخانلىقىدا ئېلىپ بېرىلدى. (ئەركىن)
مۇناسىۋەتلىك ماقالىلار
- رايىس، شەرقىي ئاسىيا ئەللىرىدىكى زىيارىتىنى باشلىدى
- شىمالىي كورىيە يادرو قوراللار سۆھبەت ئۈستىلىگە قايتىپ كېلىدىكەن
- ئامېرىكا ۋە ياپونىيە، شىمالىي كورىيىنى ئاتوم بومبا سىنىقى ئېلىپ بارماسلىق ھەققىدە ئاگاھلاندۇردى
- كوندىلىزا رايىس، ئامېرىكا شىمالىي كورىيىگە قارشى "ئۈستۈنلۈككە" ئىگە، دەپ كۆرسەتتى
- شىمالىي كورىيىنىڭ باشقۇرىلىدىغان بومبا سىنىقى خەلقئارا جەمئىيەتنىڭ دىققىتىنى تارتماقتا