Amérika jenubiy koriyining pyongyangni éléktir bilen teminlesh pilanini qarshi aldi

Amérika tashqi ishlar ministiri kondiliza rayis jenubiy koriyining shimaliy koriyini heqsiz éléktir bilen teminlesh pilanini qarshi aldi. Emma rayis pyongyangni agahlandurup, shimaliy koriye yadro qorallar pilanidin pütünley waz kéchishi kérek, dep tekitligen. Shimaliy koriye yéqinda bu ayning axirlirighiche yadro qorallar söhbet üstilige qaytip kélidighanliqini jakarlighan idi.

Kondiliza rayis, charshenbe küni siyolda muxbirlarni kütüwélip, shimaliy koriye éléktir énérgiyisige éhtiyaj, emma u yadro qorallar pilanidin waz kéchishi kérek, dep körsetti.

Rayisning tekitlishiche, amérika shimali koriyini söhbet üstilige qayturup kélish üchün shimaliy koriyige nep bermigen. U, amérikining meydanida özgirish bolmighanliqini bildürdi.

Bu arida charshenbe küni xitay dölet komisari tang jyashü'en pyongyangni ziyaret qilip, shimaliy koriye rehbiri kim jung'il bilen söhbet élip bardi.

Shinxu'a axbarat agéntliqining xewer qilishiche, kim jung'il, shimaliy koriyining meqsidi koriye yérim arilini yadrosizlashturush, dep tekitligen. Terepler shimaliy koriye yadro qorallar mesilisi boyiche 6 dölet söhbitining 25 - iyulda bashlinishini ümid qilmaqta. Söhbet hazirgha qeder xitay hökümitining sahipxanliqida élip bérildi. (Erkin)