Райс афғанистандики демократик тәрәққиятларни қоллайдиғанлиқини билдүрди


2005-03-17
Share

Америка ташқи ишлар министири кондилиза райис пәйшәнбә күни афғанистанни зиярәт қилип, америкиниң афғанистандики демократик тәрәққиятларни қоллайдиғанлиқини билдүрди. У бу сөзни кабулда афғанистан президенти хәмид карзай билән сөһбәт өткүзгәндин кийинки бирләшмә мухбирларни күтивелиш йиғинида ейтқан.

Хәмид карзай йиғинда, бу йил 5 - айда өткүзүшни пиланлиған афғанистан парламент сайлимини 9 - айға кечиктүргәнликини җакалиди. У сайламни " техникилиқ амиллар" сәвәбидин кичиктүргәнликини билдүрди.

Америка ташқи ишлар министири кондилиза райис болса, америкиниң давамлиқ түрдә афғанистанға ярдәм беридиғанлиқини билдүрүп, "1989 - йили сабиқ совит иттипақиниң армийиси афғанистандин чикингәндин кийин, бу йәрдә америкиниң тәсири қалмиған. Америка буниңдин қаттиқ савақ алди. Һәргизму афғанистанни ташлап қоймайду"- деди.

Кондилиза райис зияритидә афған рәһбәрлири билән йәнә афғанистанни қайта қуруш, зәһәрлик чикимлик вә терррорчилиққа қарши туруш мәсилилирини музакирә қилди.

Кондилиза райис пәйшәнбә күни пакистандин афғанистанға йитип кәлгән. У пәйшәнбә күни кәчтә йәнә пакистанға қайтип, пакистанниң президенти пәрвиз мушәррәф билән учрашти. Хәвәрләргә қариғанда, кондилиза райис пакистан һөкүмитидин " атом атиси" дәп нам алған абдулла қадирханниң ядро торини үзүл - кесил битчит қилишни тәләп қилған. Пакистан даирилири илгири қадирханниң иранға уран пишшқлап ишләпчиқиралайдиған әслиһәләрни сетип бәргәнликини ашкарилиған иди. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт