Rayis xitayni ziyaret qildi


2005.03.20

Amérika tashqi ishlar ministiri kondiliza rayis yekshenbe küni béyjinggha yitip keldi. Bu uning asiya ziyaritining axirqi békiti bolup hésablinidu.

Roytirs agéntliqining xewirige qarighanda, kondiliza rayis xitay dölet re'isi xu jintaw we bash ministiri wén jiyabaw bilen körüshüp, "döletni parchilashqa qarshi qanun" we shimaliy koriye yadro kirizisini öz ichige alghan bir qatar mesililer heqqide söhbet ötküzgen.

Xitay bash ministiri winjiyabaw söhbette " döletni parchilashqa qarshi qanuni" ni aqlap, amérikining bu qanunni " chüshinishini" sorighan. Amérika terep téxi bu qétimqi söhbet heqqide héchqandaq bayanat élan qilmidi.

Kondiliza rayis söhbettin kiyin, béyjingdiki bir chirkawning yekshenbe künilik tawabat pa'aliyetlirige qatnashqan. Xewerde éytilishiche, kondiliza rayisning atayiten xitaydiki chirkawni ziyaret qilishni orunlashturishi, amérikining xitaydiki kishilik hoquq, bolupmu diniy erkinlik weziyitige bolghan endishisini ipadileydiken.

Kondiliza rayis béyjinggha kélishning aldida jenubiy koriyini ziyaret qilghan. U siyolda yawrupa ittipaqini xitayning herbiy zamaniwélishish ishlirigha yardem bermeslikke chaqirip, " eger yawrupa döletliri mes'uliyetsizlik qilip xitaygha ilghar qorallarni satsa, bir küni xitay bu qorallarni amérikining tinch okyandiki qoshunlirigha qarshi ishlitishi mumkin" dédi. U yene tinch okyan rayonini yawrupa emes, belki amérika qoghdawatqanliqini körsetti.

Melumatlargha qarighanda, amérika tashqi ishlar minsitiri kondiliza rayis düshenbe küni xitaydiki ziyaritini axirlashturup, amérikigha qaytip kélidu.(Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.