Yurungqash deryasida yoqap ketken 6 neper rus sayahetchini izlesh ishliri dawam etmekte

Xoten yurungqash deryasida qéyiq heydesh sayahiti élip bériwétip yoqap ketken 6 neper rus sayahetchini izdesh ishlirini dawamlashturush üchün, 10- séntebir etigende xitay hökümiti bir dane herbiy tik'uchar ajratti. Tik'ucharning eslide yekshenbe küni xoten'ge bérip bolidighanliqi aldin pilanlan'ghan bolsimu, emma melum sewebler tüpeyli kéchiktürülgen.

Shinxu'a agéntliqining ürümchidin bergen xewiride körsitilishiche, yerlik déhqanlarmu yoqap ketken 6 neper rus sayahetchilerni izdeshke heydelgen bolup, qoralliq saqchi qisim eskerliri, déhqan-charwichilar bolup mingdin oshuq adem yurungqash deryasining yuqiri we töwen éqinida 3 hepte ilgiri bu deryada qéyiq heydesh sepirini bashlighan 6 neper rus sayahetchi we bir neper yerlik sayahet yétekchisini izdigen bolup, omumi izdesh musapisi 406 kilométir etrapida bolghan.

Mezkur 6 neper rus sayahetchi 11 -awghust ürümchidin xoten'ge yétip kelgen hemde shu küni kériye nahiyisige chüshken. Bashqilarning éytishiche, bu 6 neper rus sayahetchi aldin kéliship qoyghini buyiche 2- séntebir qaytip kelmigendin kiyin ularni izdesh dawam etmekte. (Jüme)