Росийидики қораллиқ күчләр гөрүгә елинған бир қисим аяллар вә балиларни қоюп бәрди

Росийиниң чечәнистанға чиградаш беслан шәһиридики бир мәктәптә нәччә йүз кишини гөрүгә елип туриватқан қораллиқ күчләр пәйшәнбә күни бир қисим балилар вә аялларни қоюп бәрди.

Америка бирләшмә ахбарат агентлиқиниң хәвиригә қариғанда, қораллиқ күчләр һазирғичә 31 нәпәр аял вә балини қоюп бәргән. Буниңдин сәл илгири мәктәп тәрәптин бир йүрүш партлаш авази вә оқ авази аңланғанлиқи һәмдә мәктәп бинаси тәрәптин ис- түтәк көтүрүлгәнлики һәққидә хәвәрләр чиққан иди. Бирақ һазирғичә мәктәп ичидики вәзийәт техи ениқ әмәс.

Росийә презденти виладемир путин, кирзисни қорал күчи билән һәл қилишни чәкләп, гөрүгә елинғанларниң һаятини қутқузушни әң муһим орунға қойғанлиқини билдүрди.

Чаршәнбә күни бир түркүм қораллиқ күчләр чечәнистан билән чигридаш оссетия җумһурийити беслан шәһиридики бир мәктәпни ишғал қилип, 350 тин артуқ адәмни гөрөгә алған . Гөрөгә елинғанларниң көпинчиси балилар икән.

Чәтәл мәтбуатлириниң билдүришичә, мәктәпни ишғал қилған қораллиқ күчләрниң ичидә чечәнләр бар болуп, бәзилири бәллиригә партлатқучларни теңивалған икән. Улар росийә һөкүмитидин чечәнистандин қошун чикиндүрүшни вә илгири қолға елинған сәбдашлирини қоюп беришни тәләп қилмақта.

Мәзкүр қораллиқ күчләр йәнә 300 дин артуқ кишини гөрәгә елип туриватқан бир пәйттә, б д т бихәтәрлик кеңиши алаһидә йиғин чақирип, бу қетимқи һоҗумни қаттиқ әйиплиди һәмдә қораллиқ күчләрдин гөрөгә елинғанларни дәрһал қоюп беришни тәләп қилди. (Арзу)