Rosiyidiki qoralliq küchler görüge élin'ghan bir qisim ayallar we balilarni qoyup berdi


2004.09.02
Share on WhatsApp
Share on WhatsApp

Rosiyining chéchenistan'gha chigradash béslan shehiridiki bir mektepte nechche yüz kishini görüge élip turiwatqan qoralliq küchler peyshenbe küni bir qisim balilar we ayallarni qoyup berdi.

Amérika birleshme axbarat agéntliqining xewirige qarighanda, qoralliq küchler hazirghiche 31 neper ayal we balini qoyup bergen. Buningdin sel ilgiri mektep tereptin bir yürüsh partlash awazi we oq awazi anglan'ghanliqi hemde mektep binasi tereptin is- tütek kötürülgenliki heqqide xewerler chiqqan idi. Biraq hazirghiche mektep ichidiki weziyet téxi éniq emes.

Rosiye prézdénti wiladémir putin, kirzisni qoral küchi bilen hel qilishni cheklep, görüge élin'ghanlarning hayatini qutquzushni eng muhim orun'gha qoyghanliqini bildürdi.

Charshenbe küni bir türküm qoralliq küchler chéchenistan bilen chigridash ossétiya jumhuriyiti béslan shehiridiki bir mektepni ishghal qilip, 350 tin artuq ademni göröge alghan . Göröge élin'ghanlarning köpinchisi balilar iken.

Chet'el metbu'atlirining bildürishiche, mektepni ishghal qilghan qoralliq küchlerning ichide chéchenler bar bolup, beziliri bellirige partlatquchlarni téngiwalghan iken. Ular rosiye hökümitidin chéchenistandin qoshun chikindürüshni we ilgiri qolgha élin'ghan sebdashlirini qoyup bérishni telep qilmaqta.

Mezkür qoralliq küchler yene 300 din artuq kishini görege élip turiwatqan bir peytte, b d t bixeterlik kéngishi alahide yighin chaqirip, bu qétimqi hojumni qattiq eyiplidi hemde qoralliq küchlerdin göröge élin'ghanlarni derhal qoyup bérishni telep qildi. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.