Rosiye prézidénti wiladémir putin kéler hepte xitayni ziyaret qilidu


2004-10-10
Share

Rosiye prézidénti wiladémir putin kéler peyshenbe küni xitaygha qilidighan üch künlük ziyaritini bashlaydu.

Kirimlin sariyi bayanatchisining bildürüshiche, wiladémir putin xitay dölet re'isi xujintaw bilen uchriship, siyasiy , iqtisadiy we xelq'ara hemkarliq heqqidiki bir yürüsh höjjetlerge qol qoyidu.

Chet'el metbu'atlirining yekshenbe küni bergen xewerlirige qarighanda, putinning ziyariti jeryanida, xitay rosiye néfit turuba yoli mesilisi we herbiy qoral sodisi ikki dölet rehberliri söhbitining muhim nuqtisi bolishi mumkin.

Rusiyining sibiriyidiki an'giriskiy néfitlikidin bashlinidighan turuba yolini xitayghimu yaki yapuniyige tutashturush kérekmu dégen mesilide rosiye hökümiti téxi éniq bir qarar bermigen. Xitay hökümiti uzundin boyan bu heqte kélishim hasil qilishni ümid qiliwatqan bolsimu, biraq rosiye da'iriliri siyasiy we bashqa amillarni nezerde tutup turuba yolini yapuniyige tutashturushni xalawatqandek bezi uchurlarni bergen idi.

Bezi analizchilarning ilgiri sürüshiche, putinning bu qétimqi ziyaritide, eger ikki dölet rehberliri néfit turuba yoli qurulushi we néfit teminati qatarliq bir qatar jiddiy mesililerde bir pikirge kilelmise, bu xitay- rosiye munasiwitining kelgüsi tereqqiyatigha biwasite tesir élip kélishi mumkin iken. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet