Putin rusiyining yéngi tiptiki yadro bomba séstimisi yasawatqanliqini éytti


2004.11.17
Share on WhatsApp
Share on WhatsApp

Rusiye prézidénti wiladimir putin charshenbe küni rusiyining nöwette yéngi tiptiki yadro bomba séstimisini yasawatqanliqini hemde bu xil séstimining bashqa chong döletlerdimu yoq ikenlikini bildürdi.

Roytérs axbarat agéntliqining xewirige qarighanda, putin bu sözlirini rusiye herbiy emeldarliri bilen ötküzgen söhbette qilghan bolup, u yene, kelgüside rusiye tehditke yoluqqanda özini qoghdashni kapaletke ige qilish meqsitide shundaq qilghanliqini tekitlidi.

Putin sözide buning qandaq séstima ikenlikini tepsiliy tonushturmisimu, lékin rusiyining hazir bu xildiki yéngi yadro bomba séstimisini tetqiq qilipla qalmay, hetta uni ghelibilik halda sinaq qilipmu körgenlikini, shundaqla bu séstimini kelgüsidiki bir nechche yil ichide ishlitishke bolidighanliqini bildürdi.

Xewerde körsitilishiche, heqiqeten nurghun küzetküchiler, rusiyining 10 dane yadro oq béshini kötireleydighan bir xil yéngi yadro bomba séstimisi üstide tetqiq élip bériwatqanliqigha ishinidiken. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet