Putin yilliq dölet ehwali doklatida nopusning aziyish ehwali heqqide toxtaldi


2006-05-10
Share

Rusiye prézidénti wiladimir putin charshenbe küni bir yilliq dölet ehwali doklatini bérip, tashqi ishlar siyasiti we iqtisadiy mesililerdin bashqa yene, rusiye nopusining aziyish mesilisi heqqide alahide toxtaldi.

Amérika birleshme agéntliqining xewer qilishiche, putin doklatida 10 yilliq bir pilanni jakarlap, rusiye ayallirini köp baliliq bolushqa righbetlendürüsh üchün, birdin artuq baliliq bolghan ayallargha béridighan teminat yardem sommisini téximu yaxshilap bérishke wede bergen.

Putinning bildürüshiche, hazir rusiyide bowaqlarning tughulush nisbiti jiddiy töwenlesh bilen birge bowaqlarning ölüsh nisbiti éship mangghan. Uning üstige rusiyidin bashqa döletlerge köchüp kétidighan ehwalmu bir qeder éghir iken. Shu sewebtin hazir rusiyide yiligha 700 ming nopus aziyip mangghan.

Putin sözide, nopus aziyishining aldini élish üchün, a'ililerni bolmidi dégende ikki baliliq bolushni kapaletke ige qilish kéreklikini tekitlidi. U yene, rusiye jem'iyitide chiriklik we kishilerning chong karxanilar we parlaméntqa ishenmeslik ehwalining mewjutliqini étirap qilip, rusyidiki sodiger we siyasonlarni jem'iyet mes'uliyitini aldinqi orun'gha qoyushqa chaqirdi. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet