Русийидә йәкшәнбә күни йәрлик сайлам өткүзүлди

Русийиниң news.ru Агентлиқиниң учуридин қариғанда, йәкшәнбә күни русйиниң санкитпетербург қатарлиқ һәр қайси җайлирида йәрлик шәһәр башлиқлири сайлими өткүзүлгән болуп, тәхминән 80 нәччә нәпәр шәһәр башлиқи сайлап чиқилған.

Сайлам көзәткүчилири мәзкур сайлам паалийитидә президент путинниң " русийә иттипақлиқ партийиси" билән "русийә адаләт партийиси"ниң үстүнлүкни игиләп, өз орунлирини мустәһкәмлигәнликини көрситишти.Лекин, көзәткүчиләр бу қетимқи сайлам җәрянида көплигән җайларда сайлам қаидисигә хилап қилмишларниң садир болғанлиқи мәсилән өктичи намзатларниң мәйданға чиқишиниң чәклимиләргә учриғанлиқини оттуриға қойған.

Русийә анализчилири бу қетимқи йәрлик сайламниң әмәлийәттә бу йил 12-айда өткүзүлидиған парламент сайлими вә келәр йили йәни 2008-йилдики президент сайлими үчүн синақ вә алдин тәйярлиқ қилиш икәнликини билдүрүшмәктә,

Русийә президенти владимир путин икки қетим президентлиқ вәзиписи ақтурған болуп, 2008-йили униң вақти тошиду, лекин бир қисим униң тәрәпдарлири униң йәнә 3-қәтим президентлиқ вәзиписи өтүшини оттуриға қойған болуп, мәсилән чечинийә президенти рамизан қадироп әнә шуларниң биридур. Бирақ, русийә асасий қануни путиниң үчинчи қетимлиқ вәзипә өтушигә йол қоймайдикән, әмма, өктичиләр путинни вәзипидин қалсиму, лекин һакимийәтниң өз тәрәпдарлириниң қолида болуши үчүн һәрикәт қилмақта дәп тәнқид қилмақта.

Русийә өктичилири вә ғәрб көзәткүчилири владимир путинниң барғансири демократийидин чекиниватқанлиқи, һәр қайси җумһурийәтләр вә өлкиләрниң йәрлик һоқуқлирини өз қолиға мәркәзләштүриватқанлиқи билән тәнқид қилишмақта. (Үмидвар)