Rusiyide yekshenbe küni yerlik saylam ötküzüldi


2007-03-11
Share

Rusiyining news.ru Agéntliqining uchuridin qarighanda, yekshenbe küni rusyining sankitpétérburg qatarliq her qaysi jaylirida yerlik sheher bashliqliri saylimi ötküzülgen bolup, texminen 80 nechche neper sheher bashliqi saylap chiqilghan.

Saylam közetküchiliri mezkur saylam pa'aliyitide prézidént putinning " rusiye ittipaqliq partiyisi" bilen "rusiye adalet partiyisi"ning üstünlükni igilep, öz orunlirini mustehkemligenlikini körsitishti.Lékin, közetküchiler bu qétimqi saylam jeryanida köpligen jaylarda saylam qa'idisige xilap qilmishlarning sadir bolghanliqi mesilen öktichi namzatlarning meydan'gha chiqishining cheklimilerge uchrighanliqini otturigha qoyghan.

Rusiye analizchiliri bu qétimqi yerlik saylamning emeliyette bu yil 12-ayda ötküzülidighan parlamént saylimi we kéler yili yeni 2008-yildiki prézidént saylimi üchün sinaq we aldin teyyarliq qilish ikenlikini bildürüshmekte,

Rusiye prézidénti wladimir putin ikki qétim prézidéntliq wezipisi aqturghan bolup, 2008-yili uning waqti toshidu, lékin bir qisim uning terepdarliri uning yene 3-qetim prézidéntliq wezipisi ötüshini otturigha qoyghan bolup, mesilen chéchiniye prézidénti ramizan qadirop ene shularning biridur. Biraq, rusiye asasiy qanuni putining üchinchi qétimliq wezipe ötushige yol qoymaydiken, emma, öktichiler putinni wezipidin qalsimu, lékin hakimiyetning öz terepdarlirining qolida bolushi üchün heriket qilmaqta dep tenqid qilmaqta.

Rusiye öktichiliri we gherb közetküchiliri wladimir putinning barghansiri démokratiyidin chékiniwatqanliqi, her qaysi jumhuriyetler we ölkilerning yerlik hoquqlirini öz qoligha merkezleshtüriwatqanliqi bilen tenqid qilishmaqta. (Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet