Русийә өктичилириниң наразилиқ намайишлири әвиҗ алди


2007-04-15
Share

Шәнбә күни москвада өткүзүлгән русийә өктичилириниң президент владимир путиндин демократийилик һоқуқни капаләткә игә қилишни тәләп қилған наразилиқ намайишлири җәрянида тоқунуш келип чиқип, 170 нәпәр адәм сақчилар тәрипидин қолға елинғандин кейин, йәкшәнбә күни русийиниң иккинчи чоң шәһири санк петирбург шәһиридә йәнә наразилиқ намайиши өткүзүлди.

Русийиниң "невсру" ториниң учуриға асасланғанда, санк петербургда өткүзүлгән намайишму сақчилар билән тоқунуш йүз бериш түси алған. Санк петербург шәһәр мәркизидики пийонерлар мәйданида өткүзүлгән намайишқа тәхминән бир йерим миң адәм қатнашқан. Сақчилар билән намайишчилар арисидики тоқунушта 120 нәпәр намайишчиниң қолға елинғанлиқи һәққидә учур тарқалған.

Шәнбә күни москвада өткүзүлгән намайишта русийиниң атақлиқ шахматчиси, "пуқралар бирләшмиси" дәп аталған өктичи партийиниң рәһбири гаррй каспаропму қолға елинип, икки саәттин кейин җәриманә төләш шәрти билән қоюп берилгән иди. Инкасларға асасланғанда, путин һоқуқни қолға алғандин кейин өктичиләргә вә демократик тәләпләргә болған бесимни күчәйтиветиш билән тәнқидкә учриған. (Үмидвар)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт