Rusiye öktichilirining naraziliq namayishliri ewij aldi


2007-04-15
Share

Shenbe küni moskwada ötküzülgen rusiye öktichilirining prézidént wladimir putindin démokratiyilik hoquqni kapaletke ige qilishni telep qilghan naraziliq namayishliri jeryanida toqunush kélip chiqip, 170 neper adem saqchilar teripidin qolgha élin'ghandin kéyin, yekshenbe küni rusiyining ikkinchi chong shehiri sank pétirburg shehiride yene naraziliq namayishi ötküzüldi.

Rusiyining "néwsru" torining uchurigha asaslan'ghanda, sank pétérburgda ötküzülgen namayishmu saqchilar bilen toqunush yüz bérish tüsi alghan. Sank pétérburg sheher merkizidiki piyonérlar meydanida ötküzülgen namayishqa texminen bir yérim ming adem qatnashqan. Saqchilar bilen namayishchilar arisidiki toqunushta 120 neper namayishchining qolgha élin'ghanliqi heqqide uchur tarqalghan.

Shenbe küni moskwada ötküzülgen namayishta rusiyining ataqliq shaxmatchisi, "puqralar birleshmisi" dep atalghan öktichi partiyining rehbiri garry kasparopmu qolgha élinip, ikki sa'ettin kéyin jerimane tölesh sherti bilen qoyup bérilgen idi. Inkaslargha asaslan'ghanda, putin hoquqni qolgha alghandin kéyin öktichilerge we démokratik teleplerge bolghan bésimni kücheytiwétish bilen tenqidke uchrighan. (Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet