Русийә президенти потин оттура асияда зиярәттә болиду


2007-05-08
Share

Русийә һөкүмәт әрбаблириниң билдүрүшичә, русийә президенти потин оттура асияниң енергийә байлиқлирини ечиш вә тошуш җәһәттики русийиниң ролини техиму күчәйтиш үчүн бу һәптә оттура асия дөләтлиридә йәттә күнлүк зиярәттә болидикән.

Мәлум болушичә, потин чаршәнбә күни қазақистанниң пайтәхти астанидә зиярәттә болғандин кейин, пәйшәнбә күни түркмәнистанға берип түркмән президенти қурбангүл бәрдимуһәммәдоф вә қазақ президенти нурсултан нәзәрбайиф билән көрүшүп сөһбәт өткүзидикән.

Франсийә агентлиқиниң 8- май бәргән хәвиридә қәйт қилинишчә, путинниң бу нөвәтлик оттура асия зиярити, хитай, явропа иттипақи вә америка қошма штатлириниң оттура асия енергийә байлиқлириға еришиш вә русийидин өтидиған тошуш линийиси бәрпа қилиш пилани оттуриға чиққандин кийин мәйданға кәлгән.

Русийә дунядики әң зор тәбий газ записи бар дөләт болсиму, лекин руслар тәбиий газ қурулушиға салидиған мәбләғни оттура асиядин киргүзүлидиған әрзан газ импорти арқилиқ толдуриду.

Русийиниң муавин енергийә министири андрей реус: " оттура асия бизниң енергийә сияситимиздики бәк муһим тәрәп. Ишинимизки, қазақистан вә түркмәнистан буниңда һалқилиқ рол ойнайду " деди.

Һазир русийә түркмәнистандин башлинип қазақистандин отидиған тәбиий газ туруба линийиси ясаш пиланиға бәкрәк қизиқиватқан икән. (Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт