Rusiye prézidénti potin ottura asiyada ziyarette bolidu


2007-05-08
Share

Rusiye hökümet erbablirining bildürüshiche, rusiye prézidénti potin ottura asiyaning énérgiye bayliqlirini échish we toshush jehettiki rusiyining rolini téximu kücheytish üchün bu hepte ottura asiya döletliride yette künlük ziyarette bolidiken.

Melum bolushiche, potin charshenbe küni qazaqistanning paytexti astanide ziyarette bolghandin kéyin, peyshenbe küni türkmenistan'gha bérip türkmen prézidénti qurban'gül berdimuhemmedof we qazaq prézidénti nursultan nezerbayif bilen körüshüp söhbet ötküzidiken.

Fransiye agéntliqining 8- may bergen xewiride qeyt qilinishche, putinning bu nöwetlik ottura asiya ziyariti, xitay, yawropa ittipaqi we amérika qoshma shtatlirining ottura asiya énérgiye bayliqlirigha érishish we rusiyidin ötidighan toshush liniyisi berpa qilish pilani otturigha chiqqandin kiyin meydan'gha kelgen.

Rusiye dunyadiki eng zor tebiy gaz zapisi bar dölet bolsimu, lékin ruslar tebi'iy gaz qurulushigha salidighan mebleghni ottura asiyadin kirgüzülidighan erzan gaz importi arqiliq tolduridu.

Rusiyining mu'awin énérgiye ministiri andréy ré'us: " ottura asiya bizning énérgiye siyasitimizdiki bek muhim terep. Ishinimizki, qazaqistan we türkmenistan buningda halqiliq rol oynaydu " dédi.

Hazir rusiye türkmenistandin bashlinip qazaqistandin otidighan tebi'iy gaz turuba liniyisi yasash pilanigha bekrek qiziqiwatqan iken. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet