Rusiye muxbirlar üchün eng xeterlik döletning birige aylandi


2006-09-27
Share

Rusiye 15yildin buyan xitay bilen bir qatarda dunyadiki muxbirlarni eng köp türmige alghan döletler qatarida sanilip kelgen idi. Nöwette u axbaratchilar üchün eng xeterlik döletning birige aylan'ghan.

Xelqara muxbirlarni qoghdash teshkilatining xelq'aragha ashkarilishiche, nöwette axbaratchilarning rusiyide xizmet qilish weziyiti barghanche keskinlishiwatqan bolup, rusiyide 15 yildin buyan jem'iy 42 muxbir hayatidin ayrilghan. Rusiye hazir muxbirlar eng köp ölgen döletler éraq hemde aljiriyidin qalsa üchinchi orun'gha ötken.

Bu 15 yil jeryanida pütün dunyada jem'iy 580 neper muxbir xizmet jeryanida yaki döletlerdiki hökümetning siyasitini tenqidligenliki üchün öltürülgen.

2000 ‏- Yilidin buyanla rusiyide 12 qétim muxbirlarni qestlep öltürüsh weqesi yüz bergen. Gerche rusiye saqchiliri muxbirgha ziyankeshlik qilghuchini tutqan bolsimu, u gumanliq, mexpiy halda qoyup bérilgen. Hemde rusiye da'iriliri muxbirlarning qestke uchrash weqelirining jeryani we netijisini mexpiy tutup qattiq éhtiyatchanliq ishletken.

Rusiye muxbirlar jem'iyitining re'isi yakiwéniski "axbarat muxbirlirining xizmet muhiti rusiyide yildin ‏- yilgha nacharlashmaqta, yéqinqi besh yil jeryanidila rusiye axbarat erkinliki yoq döletler qatarigha ötti, rusiyide hazir hökümetning bashqurushigha ötmigen birmu téléwiziye istansisi yoq, rusiye söz erkinliki pütünley boghulghan dölet, shunga kelgüsining qandaq bolushi heqqide mulahize qilishmu mumkin emes" dep bildürgen.

Xitaymu yillardin buyan axbarat erkinliki teshkilatliri teripidin, muxbirlarni eng köp türmige solighan dölet hemde axbarat erkinliki boghulghan dölet dep tenqidlinip kelmekte. (Gülchéhre)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet