Rusiye moskwaning bashqurulidighan bombidin mudapi'elinish iqtidarini ashurmaqchi


2007-07-16
Share

Düshenbe küni, rusiye hawa armiye bayanatchisining bildürüshiche, rusiye ghelibe S-400 tipliq bashqurulidighan bomba sistémisini moskwa etrapigha orunlashturush arqiliq,moskwaning bashqurulidighan bombidin mudapi'elinish iqtidarini ashurmaqchi iken.

Rusiye intérfaks agéntliqining melumatigha qarighanda, rusiye hawa armiye bayanatchisi aléksandir drobyshésky: " mushu ayning axiri bir diwiziye we bir qomandanliq shtabi urush wezipisini öteshke orunlashtürilidu" dégen.

Rusiye yawropa qoral- yaraq cheklesh kélishimidin yéniwélishtin bir nechche kün ilgiri, ötken peyshenbe we jüme künliri , rusiye S-400 tipliq bashquruldighan bombisini ghelibilik sinaq qilghan idi.

Bu bombilar 2001-yili ishqa kirishtürülmekchi bolghan bolup, melum sewebler tüpeyli kéchiktürülgen. Melum bolushiche, mezkur bomba, orta musapiliq bashqurulidighan bombilarni we 400 kilo métir yiraqliqtiki ayrupilanlarni étip chüshürüsh iqtidarigha ige bolup, amérika layihiligen wetenperwer tipliq bashquruldighan bombilarning étish musapisidin ikki hesse yuqiri iken.

Rusiye bilen amérika, yéqinqi yillardin buyan bashqurulidighan bomba qalqan sistémisi üstide detalash qilip kéliwatqan bolup, moskwa washin'gtonni eyiblep, amérikining merkizi yawropagha bashqurulidighan bomba qalqan sistémisi yötkep kélishi "yéngi qoral-yaraq musabiqisi" ni meydan'gha chiqiridu, dégen.

Shenbe küni kréml sariyi rusiye 1990 ‏- yili imza qoyghan "yawropagha esker yötkimeslik" shertnamisidin yéniwalidighanliqini uqturghan. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet