Rusiye öktichiler namayishi bésiqturulup öktichi rehberler qolgha élindi


2007-11-25
Share

Shenbe küni moskwada 3000 din artuq adem qatnashqan wladimir putinning démokratiyidin chékinip ketkenlikige qarshiliq bildürüsh namayishi yüz bergen bolup, rusiyining " néwzru" uchur agéntliqining xewerliridin melum bolushiche, namayish " bashqa bir rusiye" dep atalghan öktichi guruhlar birliki teripidin élip bérilghan.

Moskwa shehiride yüz bergen bu namayish saqchilar teripidin tinjitilish jeryanida "bashqa bir rusiye" teshkilatining rehbiri, dunyagha dangliq shaxmatchi garri kasparow we bashqa bir qanche öktichi kattiwashlar qolgha élin'ghan. Namayishchilar putin'gha qarshi sho'arlarni towlighan bolup, buningdin ilgiri moskwa qatarliq jaylarda wladimir putinning 3-qétim prézidént bolushini telep qilidighan namayish we pa'aliyetler élip bérilghan idi. Hetta, putinning kéler yilidiki saylamda öz terapdarini prézidéntliqqa chiqirip, özi bash ministir bolup, dawamliq rusiyini idare qilishni meqset qiliwatqanliqi melum.

Garri kasparow bashliq öktichiler putin hökümitining asasiy qanun'gha xilap qilmishlarni qilip, rusiyining démokratiyisini chékindüriwatqanliqi, uning hetta qan töküshtin qorqmaydighanliqini tenqid qilghan. Namayish saqchilar bilen toqunush derijisige yetken.

Nöwette, prézidént putinning démokratiyini chékindüriwatqanliqi, milletchilik xahishlirining küchiyishige yol qoyuwatqanliqi, her qaysi jumhuriyetler we ölkilerge bérilgen hoquqlarni barghanséri öz qoligha yighiwalghanliqi tenqid qilinmaqta.(Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet