Rusiyide prézidént saylash pa'aliyiti resmiy bashlandi
2007.11.29
Rusiyide prézidént saylash pa'aliyiti resmiy yosunda bashlinish bilen teng, prézidént putin yat ellerni rusiyining ichki siyasitige arilashmasliqqa agahlandurdi.
Rusiye prézidénti putin, chet'el tashqi ishlar xadimlirigha, u bashchiliq qiliwatqan hökümetning barliq küchini serp qilip, dölet ichidiki qalaymiqanchiliqlarni bir terep qilghanliqini shunga tashqi dunyaning bu jehette tirishchanliq körsitishining hajetsiz ikenlikini bildürgen.
Chet'el we rusiye tenqitchiliri hökümetning, yekshenbe küni kérimil sariyida putin partiyisining ghelibisi üchün élip bérilghan parlamént saylimigha qarshi pa'aliyetni basturghanliqini eyiblidi.
Rusiye saqchiliri öktichi partiye yighilishini tarqitiwetkendin kéyin, asasliq öktichi partiye rehbiri dunya shahmat chémpiyoni gari kasparofni qolgha alghan idi. Bu arida putin yekshenbe küni élip bérilghan parlamént saylimining ashkara we toghra ötküzülgenlikini tekitlidi.
Rusiye téléwiziyisi peyshenbe küni, aldin léntigha élip teyyarlan'ghan prézidént putinning nutqini tarqatti. Putin nutqida rusiyining kelgüsi heqqidimu toxtalghan. Putin hazirgha qeder arqa - arqidin üch qétim prézidént saylinip, wezipe ötep kelmekte, siyasiy közetküchilerning qarishiche, putin kéler yili 3 - ayda saylinidighan yéngi hökümette, perde arqisidiki muhim rolini qolgha keltürüsh üchün, özini yadro qilghan partiyining saylinishigha asas yaratmaqta iken. (Eqide)
Munasiwetlik maqalilar
- Gruziye prézidénti sakashiwéli istipa berdi
- Rusiye öktichiler namayishi bésiqturulup öktichi rehberler qolgha élindi
- Rusiye qisimliri eger natogha eza döletlerdin chiqip ketmise, nato emdi burunqi kélishimning cheklimisige uchrimaydu
- Kosowaliqlar saylam ötküzdi
- Rusiye bilen hindistan transport ayropilani ishlepchiqirish kélishimi imzalidi
- Okra'ina xelq'aradin 30 - yillarda yüz bergen acharchiliqni stalinning milliy qirghinchiliqi dep étirap qilishni telep qildi
- Xitay, rusiye, hindistan tashqi ishlar ministirliri xarbinda söhbet ötküzdi
- Rusiye xitay köchmenlirini ret qildi
- Putin amérikining iran'gha her qandaq bir herbiy heriket qollinishni qollimaydighanliqini bildürdi