Rusiyide parlamént saylimi bashlandi, putin bélet tashlidi
2007.12.02
Yekshenbe küni rusiyining parlamént saylimi bashlandi. Mölcherlinishiche, pütün rusiye boyiche yüz milyon adem 95 ming bélet tashlash ornigha bérip, parlamént saylimida özi xalighan partiye wekillirige bélet tashlaydu. Rusiyining "newzru" uchur torining xewer qilishiche, prézidént putin yekshenbe küni özimu bélet tashlighan bolup, elwette, uning öz partiyisi hésablinidighan " rusiye birlik partiyisi" üchün bélet tashlaydighanliqi éniq iken.
Bu qétim rusiye parlamént yeni dumasining 450 kishilik ornini qolgha keltürüsh üchün 11 partiye saylamgha qatnashqan bolup, bularning ichide nöwette, hakimiyet yürgüzüwatqan rusiye birlik partiyisining teshwiqat küchi eng zor hésablinidiken.
Xewerlerdin qarighanda xelq'araliq teshkilatlar jümlidin yawropa bixeterlik we hemkarliq teshkilati we bashqa munasiwetlik döletlerning küzetküchiliri saylamni közetmekte. Biraq, öktichiler bu saylamning rastchil hem démokratik ölchemlerge layiq bolushidin gumanlinidighanliqlirini bildürüshmekte. Buningdin narazi bolghan öktichiler birliki ötken heptide namayish qilghanda bésiqturulushqa hemde öktichi rehberlerdin kasparow qatarliq tutqun qilishqa uchrap, xelq'ara jem'iyetning tenqidige duch kelgen idi.
Nöwette, rusiyide putinning qollighuchilirining uning kéler yili yene prézidént saylimigha qatniship, 3-qétim wezipe ötüshini telep qilmaqta. Biraq, öktichiler buningdin narazi hem asasiy qanunmu yol qoymaydiken, emma, putin parlamént saylimida öz partiyisining ghelibe qilishi hemde bash ministirliq wezipisini bolsimu qolgha keltürüp, rusiyini dawamliq idare qilishni xalaydighanliqini bildürgen idi. Közetküchiler rusiye birlik partiyisining bu saylamda ghelibe qilish éhtimalliqining zorluqini bildürüshmekte. (Ümidwar)
Munasiwetlik maqalilar
- Rusiyide prézidént saylash pa'aliyiti resmiy bashlandi
- Rusiye öktichiler namayishi bésiqturulup öktichi rehberler qolgha élindi
- Rusiye qisimliri eger natogha eza döletlerdin chiqip ketmise, nato emdi burunqi kélishimning cheklimisige uchrimaydu
- Rusiye bilen hindistan transport ayropilani ishlepchiqirish kélishimi imzalidi
- Okra'ina xelq'aradin 30 - yillarda yüz bergen acharchiliqni stalinning milliy qirghinchiliqi dep étirap qilishni telep qildi
- Xitay, rusiye, hindistan tashqi ishlar ministirliri xarbinda söhbet ötküzdi
- Rusiye xitay köchmenlirini ret qildi
- Putin amérikining iran'gha her qandaq bir herbiy heriket qollinishni qollimaydighanliqini bildürdi
- Amérika bashqurulidighan bomba qalqan sistémisi mesiliside rusiyini hemkarlishishqa chaqirdi
- Rusiye bilen xitay alahide saqchi qisimliri birleshme manéwir ötküzmekchi