Русийә чәтәлликләрниң содисиға чәк қойди


2007-04-01
Share

Русийә һөкүмити чиқарған чәтәлликләрниң русийә тупрақлирида парчә сетиш содисиға чәк қойидиған қануни 1-априлдин етибарән рәсмий күчкә игә болди.

Русийә учур агентлиқлириниң хәвәрлиридин қариғанда, русийә даирилири бу қанун арқилиқ қанунсиз көчмәнләрниң сода-сетиқ билән шуғуллинишини чәкләш һәмдә русийә пуқралириниң иқтисадини яхшилашни мәқсәт қилған болуп, қанун бойичә барлиқ базарлардики сода дуканлирида пәқәт русийә пуқралириниңла сода қилиш һоқуқи бар икән.

Бу қанун москва қатарлиқ чоң шәһәрләрдики сода базарлирида узун йиллардин буян дукан ечиватқан чәтәлликләр болупму, хитай пуқралириға қаттиқ зәрбә болған. Чүнки, учурларға қариғанда, москвада хитайларниң ачқан бир қанчә сода нуқтилири бар икән.

Хәвәрләрдин қариғанда, русийиниң йирақ шәрқидики хитай билән чегрилинидиған владивосток, хабаровски қатарлиқ чоң кичик шәһәрлиридә хитай содигәрлири үстүнлүкни игилигән. Русийиниң бу қануни сәвәбидин нурғунлиған хитайлар маллирини әрзан сетип кетишкә башлиған вә яки русийиликләр билән һәмкарлишиш йоли издигән. Бир қисим көзәткүчиләр бу қанун түпәйлидин мал баһасиниң өрләп кетиши келип чиқишини пәрәз қилмақта.

Русийиниң бу қанунни чиқиришидики сәвәбләрниң бири чәтәлликләрниң базарни контрол қиливелиши шуниңдәк өткән йили бир қанчә базарларда йүз бәргән партлаш вә тоқунушлар болуп, русийә һөкүмити өз пуқралириниң иқтисадий һәм қануний һоқуқини қоғдайдиғанлиқини билдүргән. Москва сақчилири көп қетим туюқсиз тәкшүрүш арқилиқ көплигән қанунсиз хитай аққунлирини қолға алған.

Қирғизистанму охшаш бир қанун чиқирип, чәтәлликләрниң содисини чәкләйдиғанлиқини җакарлиған иди.(Үмидвар)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт