Rusiyining yukos shirkitini xitaylar sétiwalghan bolushi mumkin


2004-12-31
Share

Rusiye énérgiye ministirliqining ashkarilishiche, xitay néfit - tebi'iy gaz shirkiti rusiye yugansky béfit - gaz shirkitining 20 ٪ péyini sétiwalghan bolushi mumkin. Rusiye dölet néfit shirkiti, yéqinda yukos shirkitining qarmiqidiki yugansky néfit gaz shirkitini 9 milyard 400 milyon dollargha sétiwalghan. Rusiye énérgiye ministiri wiktor kristinko, rusiye bilen xitay, ikki dölet néfit shirketlirining mal - mülkini öz - ara sétiwélishqa yol qoyush kélishimi imzalighanliqini ashkarilidi. Kristinko bu kélishimni, " xitay - rusiye rehberlirining énérgiye sahesidiki hemkarliqni kéngeytish istratégiyisining bir qisimi," dep körsetken. Rusiye hökümiti yéqinda xususiylar igidarchiliqidiki yukos néfit shirkitini sétip, bu shirketning qép qalghan töleshke tégishlik béjini ündüriwaldi.

Biraq, yukos shirkitini qollighuchilar, yukosni jazalash shirket xojayini kodorkowskiydin siyasi öz élishni meqset qilghan, dep qarimaqta. Baj oghrilash bilen eyiblen'gen kodorkowskiy, qamaq jazasigha höküm qilin'ghan. Bu yil néfit bahasining shiddet bilen örlep kétishidiki seweplerning biri, xitayning néfit énérgiyisige bolghan ihtiyajining éship kétishi idi. Béyjing hökümiti daching bilen rusiyining sibiriye arisigha néfit turubisi yatquzushni pilanlighan. Biraq rusiyi'e bu pilan'gha ihtiyatchanliq bilen mu'amile qilmaqta. Fransiye axbarat agéntliqining jüme küni xewer qilishiche, rusiye hökümiti yaponiyige tutushidighan an'gariskiy - naxodka néfit turuba yolida ish bashlashni qarar qilghan.(Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet