Rusiye prézidénti putin kéler ayda xitayni ziyaret qilidu


2006-02-21
Share

Xitay tashqi ishlar ministirliqining seyshenbe küni ashkarilishiche, rusiye prézidénti wladimir putin kéler ayda xitayni ziyaret qilip, xitay - rusiye siyasi we soda - iqtisadi munasiwitini kéngeytish mesililiri boyiche söhbet élip baridu. Xitay tashqi ishlar ministirliqi bayanatchisi lyu jyenchawning muxbirlargha eskertishiche, rusiye prézidénti ziyaret jeryanida xitay dölet re'isi xu jingtaw bilen uchrishidiken.

Xitay da'iriliri 2006 - yilni xitay boyiche "rusiye yili" qilip békitken. Lyu jyenchaw, putinning ziyariti heqqide toxtilip," bu ziyaret junggoning rusiye yili munasiwiti bilen muhim waqit we yilgha toghra kelmekte " dédi. Uning eskertishiche, rusiye prézidénti bilen xitay dölet re'isining söhbiti ikki dölet köngül bölüdighan xelq'ara we rayon xaraktérlik mesililerge chétilishi mümkin.

Moskwa bilen béyjing shangxey guruhidiki yétekchi döletler bolup, rusiye xitayning sherqiy türkistan küchlirini basturush herikitini, xitay rusiyining chéchiniyidiki herbiy herikitini qollighan. Fransiye axbarat agéntliqining tekitlishiche, amérika ottura asiyada herbiy baza qurup, rayondiki tesir küchini kücheytishke bashlighandin kéyin, rusiye bilen xitay hemkarliq qedimini tézlitishke bashlidi.

Rusiye bu yilning axirliri xitay bilen yaponiyini riqabetke sélip qoyghan sibiriye- tinch okyan néfit turubisida qurulush bashlaydu. Shuning bilen birge rusiye prézidéntining ziyariti b d t xewpsizlik kéngishining iran yadro mesilisini muzakire qilidighan dewrige toghra kelmekte. Lékin lyu jyenchawning eskertishiche, rusiye prézidéntining konkrét ziyaret künini békitishke toghra kélidiken. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet