Русийә хитайға қорал сетип бәрди


2006-03-05
Share

Русийиниң интерфакис агентлиқиниң учуридин қариғанда, русийиниң дөләтлик "рособорон әскиспорт" ширкити хитай билән 38 данә Il-76MD намлиқ тошуш айропилани вә ил-78мк намлиқ һавада май қачилаш айрпопилани сетип бериш һәққидә келишим түзгән. Униңдин башқа йәнә русийә 2006-йилидин 2010-йилиғичә болған арқилиқта хитайға 240 данә D-30KP-2 типлиқ айропилан һәрикәтләндүргүчи машиниси сетип бериш келишимиму түзгән икән.

Мәзкур қорал-ярақ содисиниң баһаси үч милярд америка доллири қиммитигә тохтиған болуп, 2006-йили һәрикәтләндүргүчи машинилардин 64 хитайға маңдурилидикән.

Хитай һазир русийиниң әң чоң қорал-ярақ сода шерики болуп, у асаслиқи русийидин илғар күрәшчи айропилан, илғар су асти параходи вә айроплан һәрикәтләндүргүчи машиниси қатарлиқ һәр хил юқири һәрбий пән- техника мәһсулатлирини сетивалидикән. Униңдин башқа хитай русийидин Su-27 типлиқ күрәшчи айропиланларни қораштуруш рухситиниму мәлум мөһләт бойичә сетивалған болуп, гәрчә хитай бу айропиланларни қораштурған билән бәри бир уларниң һәрикәтләндүргүчи машина қатарлиқ бир қисим муһим үскүнилирини өзи ишләп чиқиралмиғанлиқи үчүн йәнила русийидин сетивелишқа мәҗбур болған икән.(Үмидвар)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт