Rusiye xitaydin ishchi qobul qilidu


2006-04-23
Share

Xitay metbu'atlirining béyjingdiki rusiye uchur merkizining melumatliridin neqil keltürüshiche, rusiyining yiraq sherqidiki chita oblastining bashliqi xitay metbu'atlirigha resmiy bildürüsh élan qilip, 2006-yili chita oblastining xitaydin qobul qilidighan emgekchilerning sanini 10 minggha yetküzidighanliqini élan qilghan. Bu xitay emgekchiliri mezkur rayondiki türlük qurulushlarda we köktatchiliq meydanlirida ishleydiken.

Rusiye da'iriliri xitay emgekchilirining bixeterlikige kapaletlik qilidighanliqini, eger ularning rusiye qanunlirigha xilapliq qilsa, derhal xitaygha qayturilidighanliqini bildürgen. Ashkarilinishiche, ötken yili mezkur oblast 1500 neper xitay we bashqa chet'ellikni öz dölitige heydiwetken iken.

Hazir rusiyide "xitay tehdit" idiyisi küchiyiwatqan shuningdek xitaylarning rusiyining adem shalang yiraq sherqige kirip makanlishishini cheklesh pikirliri künsayin ulghuyiwatqan bolsimu, emma rusiye metbu'atliridiki uchurlargha qarighanda, yéqindin buyan moskwa siyaset sahesidiki bir qisim erbablar xitaylarni köplep rusiyige élip kélip ularni ishlitish arqiliq yiraq sherq we sibiriye rayonining iqtisadini tereqqiy qildurush pikirlirini otturigha qoyup, moskwa hökümitini xitay tehdididin endishe qilmasliqqa ündeshtek madarachiliq heriketliri élip barghan. Ene shuning sewebidin chita oblasti qatarliq rayonlar xelqning naraziliqlirigha qarimay, xitay ishchilirini köplep élip kelmekte iken. Xitaylarning bu rayonlardiki köp ish orunlirini igiliwélishi yerlik ruslarning naraziliqlirini peyda qilghan iken.(Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet