Xitay hökümiti rusiye hökümitidin moskwadiki qatilliq délosini éniqlashni telep qildi


2006-05-21
Share

Rusiye we xitay metbu'atlirining uchurliridin melum bolushiche, xitay tashqi ishlar ministirliqi rusiye tashqi ishlar ministirliqidin 19-may küni moskwa shehiride yüz bergen bir xitayning öltürülüsh délosini téz waqit ichide éniqlap chiqishni telep qilghan.

Rusiyining "news.ru", agéntliqining uchuridin melum bolushiche, xitayning moskwadiki elchixanisimu mexsus bu heqte rusiye saqchi organliri bilen uchriship, öz puqrasining öltürülüsh ehwalini éniqlashni telep qilghan. Bu mesilige hazir rusiye bilen xitay yuqiri derijilik orunliri köngül bölmekte. Rusiye saqchiliri deslepki qedemde, bu xitay puqrasining özi turiwatqan öyning yénida pichaqlap öltürülgenlikini, jinayet gumandarlirining asiyaliqlar belki xitaylar bolushi mumkinlikini otturigha qoyghan. Rusiye metbu'atliri bolsa, bu ölüm weqesining moskwadiki xitay jinayi guruppiliri bilen chétishliqi barliqini körsermekte.

Rusiye metbu'atliri rusiye jümlidin moskwada xitaylarning köpiyishi bilen ularning bu yerde béyjing guruhi, shangxey guruhi, sherqiy shimal guruhi dégendek asasliq töt qara qollar guruhlirining xitay puqralirini bulash, öltürüsh,pul élish, pahishixana échish qatarliq jinayetler bilen shughulliniwatqanliqini yézishqan idi.

Rusiye uchurlirigha qarighanda, hazir rusiyide xitaylarning öltürülüsh ehwalliri éghirliship qalghan bolup, xitaylar yene " taqirbashlar"dep atalghan rus fashist guruppiliriningmu hujum nishani bolghan. (Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet