Русийә сода җәһәттә хитайға нарази болмақта


2006-06-11
Share

Русийә билән хитайниң содиси йеқинқи йиллардин буян гүлләнгән болсиму, әмма русийиликләрниң наразилиқлириму охшашла күчәймәктә.

Америка авази радиосиниң москвадики мухбириниң учур беришичә, русийә хитай билән болған сода мунасивәтлиридә хитайниң көп пайда қазиниватқанлиқидин нарази болмақта. Русийиниң төмүр йол арқилиқ хитай тартидиған нефит миқдари көпийишкә башлиған болсиму, әмма рәңлик мәтал, химийилик оғут, машинисазлиқ мәһсулатлири қатарлиқ санаәт мәһсулатлириниң хитайға тартилиш миқдари азлиған.

Хитай русийиниң санаәт мәһсулатлири вә машинисазлиқ мәһсулатлирини сетивелишни азайтип, униң орниға хам нефит, тәбиий газ, яғач материяллири вә башқа йәр асти байлиқлирини сетивелишқа көпрәк күч чиқарған. Нәтиҗидә, русийә даирилири нөвәттә, русийининиң хитайниң хам әшя мәнбәсигә айлинип қалғанлиқини, бу сода мунасивәтлириниң әмәлийәттә, хитайға көпрәк мәнпәәт елип келиватқанлиқидин нарази болушқан.

Хитай пәқәт русийиниң илғар айропиланлири қатарлиқ һәрбий қорал-ярақлирини сетивелиштила русийигә пайда елип кәлгән болсиму, әмма бир қисим русийә көзәткүчилири буниму вақитлиқ һадисә дәп қарайдикән. (Үмидвар)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт