Rusiye soda jehette xitaygha narazi bolmaqta


2006-06-11
Share

Rusiye bilen xitayning sodisi yéqinqi yillardin buyan güllen'gen bolsimu, emma rusiyiliklerning naraziliqlirimu oxshashla kücheymekte.

Amérika awazi radi'osining moskwadiki muxbirining uchur bérishiche, rusiye xitay bilen bolghan soda munasiwetliride xitayning köp payda qaziniwatqanliqidin narazi bolmaqta. Rusiyining tömür yol arqiliq xitay tartidighan néfit miqdari köpiyishke bashlighan bolsimu, emma renglik metal, ximiyilik oghut, mashinisazliq mehsulatliri qatarliq sana'et mehsulatlirining xitaygha tartilish miqdari azlighan.

Xitay rusiyining sana'et mehsulatliri we mashinisazliq mehsulatlirini sétiwélishni azaytip, uning ornigha xam néfit, tebi'iy gaz, yaghach matériyalliri we bashqa yer asti bayliqlirini sétiwélishqa köprek küch chiqarghan. Netijide, rusiye da'iriliri nöwette, rusiyinining xitayning xam eshya menbesige aylinip qalghanliqini, bu soda munasiwetlirining emeliyette, xitaygha köprek menpe'et élip kéliwatqanliqidin narazi bolushqan.

Xitay peqet rusiyining ilghar ayropilanliri qatarliq herbiy qoral-yaraqlirini sétiwélishtila rusiyige payda élip kelgen bolsimu, emma bir qisim rusiye közetküchiliri bunimu waqitliq hadise dep qaraydiken. (Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet