Rusiye prézidénti wladimir putin xitay-rusiye munasiwetliri heqqide mexsus baha berdi


2006-09-13
Share

Rusiye prézidénti wladimir putin yéqinda rusiye-xitay munasiwetliri heqqide toxtalghanda, "tarixta biz rusiye-xitay menggü qérindash" namliq naxshini éytqan iduq. Bularning köpinchisi peqet teshwiqat halitidila qalghan, hetta ikki dölet arisida köpchilikke melum bolghan köngülsiz tarixiy musapilermu bolghan, biraq hazir mundaq ehwal mewjut emes" dégen.

Bu heqte xitayning shinxu'a agéntliqi uchur bergen bolup, wladimir putin hazir rusiye bilen xitayning munasiwetlirining tarixtiki eng yaxshi mezgili ikenlikini tekitligen hemde ikki terepning xelq'ara siyasettiki meydanining mas kélishidin bashqa yene iqtisadiy hemkarliqliriningmu ularning munasiwetlirining muhim qisimi ikenlikini shuningdek rusiyining sibiriye rayonidin xitaygha ikki tebi'iy gaz turubisi yasash qurulushining élip bériliwatqanliqini eskertken. Emma, putin xitaygha néfit turubisi tutashturup, xitayni néfit bilen teminlesh mesiliside héch néme démigen.

Xewerlerdin qarighanda, putin rusiye-xitay munasiwetlirige yuqiri baha bergen bolsimu, lékin rusiye siyasetchiliri arisida yenila xitay bilen bolghan dostluqtin gumanlinish, ishenmeslik xahishliri hetta yiraq sherq xelqi arisida xitay tehdidi köz qarishi dawamliq mewjut bolup turmaqta. (Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet