Rusiye xitay bilen aptomobil qurashturush kélishimi imzalashni ret qilghan

Xitayning 'ottura asiya xewerliri'de melum bolushiche, bultur rusiye bilen xitay otturisida töt xil aptomobil qorashturidighan 380 milyon amérika dolliriliq tijaret pilani tüzülgen bolup, ikki terep bu pilan'gha bu yil 9 ‏- ayning 15 ‏- küni imza qoymaqchi iken. Emma yéqinda, rusiye terep bu pilan layihisini dunya soda teshkilatning belgilimilirige uyghun emes dep seweb körsitip, uninggha imza qoyushni ret qilghan.

Xewerde melum bolushiche, xitayning mashinisazliq shirketliri xitay bazirida shöhret qazinalmighan aptomobil, pikap we a'iliwiy sayahet mashinisi qatarliqlarning markisini rusiyidiki meshhur markilargha özgertip we uning bahasini erzanlitip sétip yaxshi nam we köp payda qazinishni oylighan iken.

Emma bu jeryanda, dunyadiki wolwo, fort, nisan, kriyaslér, toyota qatarliq bashqa meshhur aptomobil shirketliri rusiyidiki mashina bazirining istiqbaligha köz tikip, rusiye bilen téximu eqilge muwapiq bolghan tijaret pilanlirini tüzüp bolghan. (Weli)